شيحه .. احنا ربنا ساترها معانا بالعافية وكفاية البلاوي الي جوة الإسماعيلي .. احنا حاليا طلعنا النادي من القبر دخلناه غرفة الانعاش …
محمد شيحة نائب رئيس اللجنة المعينة لإدارة نادي الإسماعيلي :-
وقال شيحة في تصريحات إذاعية عبر إذاعة الشباب والرياضة :-
“طلبنا عدم ادارة الحكم خالد الغندور لأي مباراة للإسماعيلي مرة أخرى بعدما حدث في مباراة المصري”.
“احنا مش ناقصين، احنا ربنا ساترها معانا بالعافية وكفاية البلاوي الي جوة النادي وكفاية ان محدش بيساعد النادي وكله غسل ايده وسابنا”.
“احنا حاليا طلعنا النادي من القبر دخلناه غرفة الانعاش، مستعدين نقدم استقالتنا لو في حد عاوز يبقى متواجد مكاننا، الي قادر يشيل الليلة يجي يشيلها واحنا مستعدين نمشي”.
“انا بقالي 3 شهور ماسك النادي لم أخسر إلا مباراة المصري، ربنا ساترها علينا ومفيش جنيه في النادي، المحافظ دفع مرتبات لحد الشهر الي فات، في موقف مع الشركة الراعية وقد يتم فسخ التعاقد معهم، مدى قانونية العقد من عدمه فيها نقاش في جلسة خلال ساعات، لو لم نصل لحلول خلال الجلسة سيتم فسخ التعاقد”.
“الإدارة لم تسلم من جلسات النميمة رغم أننا لم نصل إلى منطقة الأمان، تولينا إدارة الاسماعيلي وهو يملك 12 نقطة، وحاليا نملك 26 نقطة”.
“هنلاقيها من مين؟ من الرعاة ولا العصابات والمتآمرين داخل النادي ولا الي سايبين النادي مديون بملايين، هلاقيها منين ولا منين، انا بعلن استقالتي على الهوا لو في راجل في الاسماعيلية قادر يشيل الشيلة يتفضل”.
