أمير توفيق..مدير التعاقدات في الأهلي..وحوار هاااام جداً في جميع الإتجاهات…
أمير توفيق..مدير التعاقدات في الأهلي :-
– مش فارق معايا اتكلم عليه هو لاعب راح مكان تاني خلاص ومقدرش اللي الشغل اللي احنا عملناه له، موضوع ساعه وترد عليا ده طلع تريند بس ده موضوع والله عمره ما فرحني خالص، موضوع انك تقدم كل حاجه لشخص في النادي وهو ميقدرش اللي اتعمل عشانه دي حاجه تعيبه هو مش تعيب حد تاني..
– وضعنا خطة تعاقدات لمده سنتين إن شاء الله وتشمل ضم لعيبه جدد وضم لعيبه من الناشئين وحالياً بنقوم تحضيرهم للأنضمام للفريق الأول..
– أفشه كان متمسك بالأهلي جداً وجاله عرض من الزمالك و رفضه وصمم إنه ييجي الأهلي..وقتها حصل ضغط كبير عليه من الزمالك وحطوا رقم كبير جداً..لكنه رفض وإنضم لينا قبل غلق القيد بساعتين..
– النادي قدر الشناوي وتم تعديل عقده بعد مستواه الموسم السابق والموسم الحالي والشناوي حاليا فارق عن اي حارس في مصر..
– بدر بانون كان عايز يجي الأهلي، بدر كان جايله عرض خليجي كبير جداً أكبر من عرضنا بكتير جداً و أنا شوفت العقد بعيني..و لكنه رفض وصمم ينضم للأهلي..
